BER-05 - Joseph Jaureguiber
Oraindik ez da sarean bere osotasunean grabaketa hau. Baliteke, aldiz, pasarte batzuk ikusgai/entzungai izatea (ikus beherago). Argibide gehiagorentzat, sar gurekin harremanetan.
Joseph Jaureguiberren bilduma aberatsa da: Etnologia museoan artxibatuak diren argizarizko zilindroetan grabatu kantu pasarteek - entzungai diren behereko zerrendako lehen 22 pasarteak, hots 45 kantu zati -, 40:37 minutu irauten dute orotara. Eta Humboldt Unibertsitatean Lautarchiv-eko disko gramafonikoetan direnak, 23:14 minutu, narrazio eta kantuz osatuak (4 kanturen bertsio kantatua eta irakurriak, eliz-kantu bat, 2 pastoralen 3 zati, 2 leienden 3 zati, eta elkarrizketa libre bat Antoine Suhas lapurtarrarekin "Jaun-andreen arteko mokokaldia"). Zuberotarraren izen-abizena desberdinki idatzia da: Josephe Jaurèguibert, Jauréguiber, Jaureguiber, Jaurès-Guibert.
Oroitaraz dezagun nun eta noiz grabatua izan den Joseph Jaureguiber. Humboldt Unibertsitateko artxiboetan idatzia da Merseburg-en grabatua izan dela 1916ko martxoaren 20ean eta 22an, eta Stolberg-en 1917ko irailaren 30ean. Etnologia Museoko artxiboetan aurkitzen den informazioetan (datarik ez da zehaztua), Chemnitz preso-esparruan "Lili bat ikusi dut" kantatu du Antoine eta Jean-Baptiste Suhas anaiekin, eta beste grabaketak Rottleberode lan komandoan (Südharz herriko auzo bat, Stolberg-etik hurbil, Saxe-Anhalten) iragan dira, beti 2 arrangoiztar anaiekin.
Oharra: grabaketa datari buruz, fitxa honek egun bakar bat baizik zehazteko aukera eskaintzen digu. Stolbergeko grabaketa eguna, 1917-09-30, hautatua izan da. Data zuzena aurkituko duzue Berlingo erakundeen katalogoetan, pasarte bakoitzeko kanpo loturan klikatuz. Halaber, Prusiako Komisio fonografikoaren artxibo-kodeari buruz: fitxa mota honetan ezin izan ditugu denak zerrendatu, pasarte bakoitzean ongi zehaztua dago.
Hizkuntza: Euskara
Euskalkia: Zuberotarra
Artxibo-funtsa(k): Prusiako Komisio fonografikoaren artxiboak (Alemania)
Bilduma: Lehen Mundu gerlako euskal presoen grabaketak (1916-1917)
Elkarrizketatzailea(k): Königlich Preußische Phonographische Kommission, Hermann Urtel, Georg Schünemann
Prusiako Komisio fonografikoaren artxibo-kodea : PK 495-508, 1085--
Grabaketa herria: Larraine
Data: 1917-09-30
Iraupena: 1:03:51
Media mota: Audioa
Pasarteak
Eskubideak eta erabilpen baldintzak
© Sammlung Phonographische Kommission VII WS 238, Ethnologisches Museum, Staatliche Museen zu Berlin-PreuBischer Kulturbesitz / © Lautarchiv, Humboldt-Universität zu Berlin
Euskaldun honen grabaketak Alemaniako bi erakundetan artxibatuak dira: argizarizko zilindroak Berlingo Etnologia Museoan, eta disko gramafonikoak Humboldt Unibertsitatean. Hots, kasuaren arabera, bi jabego ezberdin baditu. Humboldt Unibertsitateko artxiboen eskubideak zainduak dira. Kontsultagarri dira Euskal kultur erakundeko egoitzan (hitzordua hartuz, 0(33)5 59 93 38 70 telefonora deituz edo mezu bat idatziz kontsulta@eke.eus helbidera). Etnologia Museoak artxiboen soinuak eta dokumentuen irudi numerikoak mintzoak gunean zintzilikatzea baimendu digu, eta horretarako zinez eskertu nahi dugu.
