Maiana Garcia Elgart

Maianaren aita, Pierre Garcia, Olhorteia etxekoa zen, Muskildiko Lauga auzokoa. Ama, Anne Marie Inchastoichipy, ere Muskildikoa zen, Bidauia etxekoa. Bost seme-alabetan hirugarrena zen Maiana. Auzoko eskolara joan zen, eta ondotik Baionan egon zen eskola pribatu batean. Aita gazterik zendu zen, 42 urterekin. Eritu zelarik, Maiana etxera sartu zen. Anaia 24 urteetan zendu zen, eta Maianak etxondoaren segida hartu zuen. 1950ean Hoztako Charles Elgartekin ezkondu zen, Garakotxia etxekoa, eta elgarrekin lau haur ukan zituzten.