Henri Aldax 1930eko uztailaren 2an sortu zen Lekunberriko Urrutia izeneko etxean (Janitz auzoan). Bi haurreko familiako gazteena da.
Herriko eskola publikoan ibilia da (1936-1944) zertifikata ukan arte. Ondotik, familiaren etxaldean lanean aritu da 1958an Isidorarekin ezkondu arte.
Bere gaztaroan bi gertakari garrantzitsu izan dira halere: ongi gogoan duen Munduko Bigarren Gerla eta Algeriako Oran hirian 1950eko urritik 1952ko martxora egin zuen soldadogoa.
1958an, Henrik Lekunberri utzi zuen, Isidoraren sortetxea den Ortzaizeko Etxaarian finkatzeko. Urtez-urte hobekuntzak ekarri ditu, hala nola ondoan etxe berri bat eraikiz zeinetan egon diren 1960tik goiti, edo 7 hektare larre pentze bilakaraziz. Bestalde, bere estokari esker, zurgintza lan franko egin ahal izan ditu eta hortarik, laborantzak ekartzen duenaz gain, beste diru sartze bat lortu du. Isidorak eta Henrik lau haur ukan dituzte: Michel (1959-1973), Anne-Marie (1960), Françoise (1963) eta Pierre (1970), gaur egun etxaldea kudeatzen duena (ardi esnea bestelakotuz).
Marie-Jeanne, Isidoraren ahizpa mutxurdina, lau urte zaharragoa dena, beti etxean egon da, dendari bezala.
2023ko agorrilean zendu zen.
Grabaketak
| # | Erref. | Izenburua | Data | Iraupena | Grabaketa herria | Elkarrizketatzaileak | |
|---|---|---|---|---|---|---|---|
| 1 | 352 | 352 - Henri Aldax | 2019-06-07 | 1:19:26 | Ortzaize | Terexa Lekumberri | |
| 2 | abk-2 | Eleketa emankizuna #1: emigrazioa | 2022-04-26 | 1:18:34 | Baigorri | Terexa Lekumberri |
Pasarteak
| # | Izenburua | Iraupena | |
|---|---|---|---|
| 1 | Henri Aldax: aurkezpena | 0:02:57 | |
| 2 | Bigarren Mundu gerla Lekunberrin: libre (1940-1942) eta gero okupatua (1942-1945) | 0:05:49 | |
| 3 | Bigarren Mundu gerla Lekunberrin: konfiskazioak | 0:04:05 |
Pasarte muntaketak
| # | Izenburua | Iraupena | |
|---|---|---|---|
| 1 | Lekunberri, libre zelarik (1940-1942) | 0:03:12 | |
| 2 | Lekunberri, okupatua zelarik (1942-1945) | 0:05:40 | |
| 3 | Ortzaiztarrak mintzo | 1:01:12 |