Kaiet Harispuru 1948ko azaroan sortu zen, Hoztako Burgantza auzoko Olaberria etxean. Arreba bat badu, lau urtez gazteagoa dena. Kaiet herriko eskola publikoan ibili zen, 14 urterekin lehen mailako CEP ikasketa agiria lortu arte. Ondotik, laborantza kurtsoak segitu zituen Herriko Etxean. 1965ean, laborantzako ikasketen ziurtagiria lortu zuen Donapaleun eta 1967an Laborantza Ikasketen Brebeta (BAA). Berantago, familiako etxaldean plantatu zen eta 2016a arte han bizi izan zen, Thionvillen soldadugoan iragan 16 hilabeteetan izan ezik. 2006an, 58 urterekin, osasun arazoengatik bere lan jarduera gelditu behar izan zuen, eta 2016an, bere lurrak auzotar bati alokatu zizkion. 2016an, etxaldea eta lurrak, plantatu nahi zuen tokiko gazte bati saldu zizkion. Geroztik, apartamendu batean bizi da, Azkaraten.
