Laborantza Ipar Euskal Herrian 1930etik gaur arte
2024-03-11 ¦ "Eleketa" programa
Laborantzak betidanik leku eta eragin handia ukan du Ipar Euskal Herriko ekonomian eta orohar gizartean. Daramagun ELEKETA ahozko memoriaren bilketaren karietara gai nagusi honetaz hainbat lekukotasun grabatuak izan dira, lurraldeko eskualde desberdinetan. Bilketa horren lagin bat apailatu dugu pasarte hautaketa bat eginez.
Artzain bat Baxenabarreko bortu batean © Séverine Dabadie
Baserrialdeko bizimodua, etxetiargoa, eremuen antolaketa, ofizioak eta teknikak, jakitateak, garapenak, gizarte aldaketak, emaztearen lekua, talde dinamikak, sindikalismoa, ingurumena… anitz dira laborantzaz Iparraldean elkarrizketatu ditugun lekukoek aipatu dizkiguten gaiak.
Bi lekukotasun sorta prestatu ditugu Ipar Euskal Herriko laborantzaren gai orokorraren jorratzeko.
Azpitutuluak dituzten pasartez osatuak dira (euskaraz eta frantsesez).
- Laborantza Iparraldean (1930-2020)
Atal orokorra, Lapurdi eta Zuberoa artean bildu lekukotasunez osatua. - Artzaingoa Ipar Euskal Herrian (1930-2020)
Bortuko laborantzari buruzko atala, Garazi-Baigorriko eta Zuberoako lurraldeetan bildu lekukotasunez osatua.