Mikele Hirigaray (ezkondu ondoan Berhocoirigoin) 1955eko maiatzaren 5ean sortu zen Aldudeko Gortairia izeneko etxean. Bost haurrideko familia bateko hirugarren neska da (3 neska eta ondotik, bi mutiko), baina laugarrena, sortzen berean hil zen.
Mikele Aldudeko eskola pribatuan ibili zen 6 urte bete zituenetik. Ondotik, Baigorriko Bil Etxean ibili zen eta han BEPC agiria lortu zuen 1970ean. Ondotik, urte bat eman zuen Donibane Garaziko Argizabal menaiu zentroan, baina ikasketak utzi behar izan zituen familiako etxaldean lanean aritzeko. Alabaina, ahizpa zaharrenak ikasketak segitu zituen eta bigarrenak baserria utzi zuen, maiteminduta.
1972an, Michel-en ezagutza egin zuen Gazteri laborari katolikoaren bidez (JAC), eta aita nahigabeturik ere, berak ere familiako etxaldea utzi zuen 1973an. Anaia gazteak segida hartu zuen orduan.
Uztaritzeko Seminario Ttikian sukaldari bezala aritu ondoan, Michel Berhocoirigoin-ekin ezkondu zen 1976an eta Gamarteko Uhartia etxean plantatu ziren, lehengo heiaren tokian egin apartamenduan. Hiru haur ukan dituzte: Iñaki (1979), Leire (1982, zendua) eta Jenofa (1985). Ezkondu ondoko lehen urteetan, Mikele sukaldari bezala aritu zen Donibane Garaziko Cabrol klinikan. Hau 1978an hetsi zelarik, espos lagun kolaboratzaile bezala plantatu zen bere senarraren etxaldean. Senarra biziki engaiatua baitzen laborantza sindikatuaren munduan, guttitan elkarrekin gertatu dira etxaldeko lanen egiteko.
Hogeita hamar urte berantago (2009), Michel Berhocoirigoin da espos lagun kolaboratzailearen estatutua hartu zuena, Mikelek Iñaki semearekin GAEC moduko laborantza elkarrekin kudeatzeko elkargo bat muntatu zuelarik.
2016an, osasun arazo batzuen gatik, Mikelek GAEC hori desegin behar izan zuen beste sail batean lanean hasteko (adineko jendeei edo elbarrituei zuzendu egonaldiak). 70 urte bete arte hortan aritu nahi luke, 2017an hasi erretreta sariaren osatzeko.
2014ko azaroaz geroz, Mikele eta Michel Berhocoirigoin berriz antolatua izan den Uhartiako borda zaharrean finkatu dira. Uhartia etxaldea beren semearen eta haren familiaren eskuetan utzi dute.
Grabaketak
| # | Erref. | Izenburua | Data | Iraupena | Grabaketa herria | Elkarrizketatzaileak | |
|---|---|---|---|---|---|---|---|
| 1 | 281 | 281 - Mikele Berhocoirigoin | 2016-10-14 | 1:39:33 | Gamarte | Terexa Lekumberri |
Pasarteak
| # | Izenburua | Iraupena | |
|---|---|---|---|
| 1 | Mikele Berhocoirigoin: Aldude Gortairiako alaba | 0:05:56 | |
| 2 | Haurtzaroa Alduden | 0:09:59 | |
| 3 | Baserriko lanen banaketa Aldude Gortairian | 0:05:31 | |
| 4 | Uhartera arribatzea | 0:03:48 | |
| 5 | Mikele, ezkonlagun kolaboratzailea laborantzan | 0:08:47 |
Pasarte muntaketak
| # | Izenburua | Iraupena | |
|---|---|---|---|
| 1 | Haurtzaroa laborari etxe batean | 0:03:23 | |
| 2 | Lanak laborari etxe batean | 0:03:22 | |
| 3 | Ezkonlagun kolaboratzailea | 0:04:20 | |
| 4 | Garaziko emazteak argitan | 0:30:18 |