2022-07-26 ¦ "Eleketa" programa
2022ko uztailaren 8an, "Aitzin-Gero - Barnealdea" erakusketaren karietara, Euskal kultur erakundeko Terexa Lekumberrik mintzaldi bat eskaini zuen Ospitalea departamenduko ondare hezkuntzarako zentroan, ahozko memoriaren bilketaren inguruko Eleketa programaz eta bereziki Irisarrin egina izan den lanaz.
2022-05-23 ¦ "Eleketa" programa
2022ko maiatzaren 20an, mukurru bete zen Ortzaizeko zinegela Euskal kultur erakundeak herrian berean Eleketa ahozko oroimenen bilketaren karietara grabatu lekukotasun zonbaitzuen ikusteko. Irail hondar arte Garazi-Baigorriko bideo-lekukotasun zati andana bat erakusten duen borna bat egonen da Ortzaizeko Posta-liburutegian.
2021-10-21 ¦ "Eleketa" programa
"Eleketa, ahozko oroimenak" erakusketa Donibane Garaziko Herriko etxean ikusgai izanen da azaroaren 6tik abenduaren 4a arte. Euskal kultur erakundeak, herrian berean baita Garazi-Baigorri lurraldeko herrietan, XX. mendeko biziaz bildu lekukotasunak agerian emanen ditu.
2021-08-20 ¦ "Eleketa" programa
"Eleketa, ahozko oroimenak" erakusketa Donibane Lohizuneko Dukontenia gelan ikusgai izanen da irailaren 12tik urriaren 10a arte. Herrian berean baita inguruko herrietan Euskal kultur erakundeak XXI. mendeko biziaz bildutako lekukotasunak agerian emanen ditu.
2020-11-03 ¦ "Eleketa" programa
Hazparnen aurkeztua izan da lehen aldiz "Eleketa, ahozko oroimenak" izeneko erakusketa ibiltaria. 2007. urteaz geroztik Euskal kultur erakundeak daraman bilketa etnografikoaren uztan oinarritua da. Hazparnen erakutsitako lekukotasun guziak atari honetan ikus daitezke orain, azpitituluz jantzirik.
2020-07-06 ¦ "Eleketa" programa
Gure ahozko oroimenen altxorrak agerian eman nahi dituen erakusketa ibiltari eta multimedia berria Hazparneko Pierre Espil mediatekan aurkeztuko du lehen aldiz Euskal kultur erakundeak 2020ko irailaren 25etik azaroaren 7ra. "Eleketa, ahozko oroimenak" du izena eta 2007an abiatu memoriaren ikus-entzunezko bilketan oinarritzen da. Hazparnen, herrian berean baita inguruko herrietan bildutako lekukotasun zatiak baloratuko ditu, beste artxibo eta bideo-sorkuntzen laguntzaz.
2019-01-28 ¦ "Ahotsak" bilketa, Telebistako artxiboak, "Eleketa" programa, Artxibo soinudunak
Ahozko ondarearekin zerikusia duten hainbat ikus-entzunezko dokumentu daude kontsultagarri Euskal kultur erakundean, dagozkien jabe desberdinen baimenarekin beti. Baliabide numeriko horien ezagutarazteko Ahozko ondare kontsultagune bat sortu du bere egoitzan EKE-k, Uztaritzeko Lota Jauregian. Deneri irekia da baina hitzordua hartu behar da.
2018-09-15 ¦ "Eleketa" programa
Joan den irailaren 13an, Maulen, Euskal kultur erakundeak Departamenduaren obragintzapean daraman Eleketa programaren aurkezpen bat egina izan zaie Xiberoko hautsetsi eta kultura eragile batzuei, Mauleko herriko etxearen laguntzarekin. Ahozko memorioaren bilketaren segida Xiberoan aipatua izan da bereziki.
2018-08-24 ¦ "Eleketa" programa
Donibane Lohizuneko herriko etxeak bilketa bat sustatu zuen 2012an hiriaren memoria atxikitzeko, hainbat arlo aztertuz: eskulangintza, bizi ekonomikoa, soziokulturala eta kirola adibidez. Lekukotasun guziak Mintzoak plataforman ikusgai dira orain, herriaren eta Euskal kultur erakundearen arteko partaidetza bati esker.
2018-07-27 ¦ "Eleketa" programa
Euskal kultur erakundeak Iparraldeko hainbat dantzari eta eragileren lekukotasunak bildu ditu 2012 eta 2017 artean, Pirinio Atlantikoetako Departamenduarekin daraman "Eleketa" programaren karietara. Egindako grabaketak xeheki zerrendatzen dituen datubasea sareratu dugu, bi hizkuntzatan. Lekukotasun batzuen zatiak ikusteko parada ematen du ere.